Skáldsagan Söngur Súlu gerist á árunum 1944 – 1960 í Reykjavík. Fjöldskyldur flykkjast til höfuðborgarinnar í leit að nýju lífi. Þar er nóga vinnu að fá og peningar flæða inn í landið en að sama skapi fæst fátt fyrir þá vegna vöruskorts og skorts á húsnæði. Fólk býr sér heimili á ólíklegustu stöðum, m.a. í gluggalausum geymslum og bröggum sem Bretar skildu eftir sig hér á landi.
Sagan segir frá þeim Helga og Hafdísi Lilju, ungu fólki af landsbyggðinni sem leita að ævintýrinu í Reykjavík. Þau keyptu sér hálfan bragga og byrjuðu búskap. Þar upplifðu þau miklar raunir og skópu þau þeim hörmuleg örlög. En lífið hélt áfram og fylgst er með einu barna þeirra, Súlu sem síðar leiðir söguna. Hún flækist milli heimila og kynnist mörgu.
Ný millistétt hefur litið dagsins ljós, konur eru kallaðar frúr og menn ganga með hatta, hin nýja stétt er stolt og velmegandi. Reykjavíkurborg er að fæðast.
Ekki er hægt að nota bókasafnskortið sem þú skráðir til þess að ljúka þessari aðgerð. Skráðu kortið aftur eða notaðu annað bókasafnskort. Ef þú fékkst villuskilaboð skaltu hafa samband við bókasafnið þitt til þess að fá hjálp.
